| Poeniteas cito, peccator, cum sit miserator |
| Judex; et sunt haec quinque notanda tibi. |
| Spes veniae, cor contritum, confessio culpae, |
| Poena satisfaciens, et fuga nequitiae. |
[5] | Ut dimittaris, aliis peccata remittas, |
| Hisque satisfacias quos te laesisse fateris. |
| Sperne voluptates, lusus, spectacula mundi; |
| Desere consortem pravum populique tumultum: |
| Secretasque preces et opus pietatis amato. |
[10] | Omnia peccata plangat contritio vera, |
| Servans aetates, sensus, loca, tempora, membra. |
| Deplores acta, noli committere flenda. |
| Plangas admissa cum commissis et omissis: |
| Offensasque Dei quod fratrem damnificasti. |
[15] | Vera sit, integra sit, et sit confessio munda, |
| Sit cita, firma, frequens, humilis, spontanea, nuda. |
| Propria, discreta, lacrymosa, morosa, fidelis. |
| Poeniteas plene, si vere poeniteat te. |
| Non per legatum, non per breve, sed refer ipse: |
[20] | Compatienti dic, sapienti, dic meliori; |
| Presbyteris multis prodest si confitearis. |
| Copia presbyteri si desit, pande sodali. |
| Corporis ut maculas, animae sic crimina pandas. |
| Carnea sunt crapula, perjuria, furta, libido: |
[25] | Mente latet livor, odium, tumor, ira, libido. |
| Praecipue pestes septem memores capitales, |
| Non solum fontes, sed rivos inde fluentes. |
| Fonte suo rivus magis est quandoque nocivus. |
| Unde Lot incestus pejor fuit ebrietate, |
[30] | Atque Cain gravior caedes fraterna furore. |
| Culparum fontes, sunt fastus, livor et ira. |
| Accidiae naevus et avaritae, gula, luxus. |
| Cum singillatim mortalia dixeris uni, |
| Cuncta simul quaecunque gravant comitantia culpas, |
[35] | Dic citra factum committere quae voluisti. |
| Dic venalia, dic quae sunt a mente repulsa; |
| Dic tua delicta, generaliter ista revela |
| Nam reus in multis quando peccata fatetur, |
| Vel quaevis dicat vel nil dixisse videtur. |
[40] | Postremum crimen si pure quis fateatur, |
| Ille tacere potest quidquid redit et comitatur. |
| Aggravat ordo, locus, peccata, scientia, tempus, |
| Aetas, conditio, numerus, mora, copia, causa, |
| Et modus in culpa, status altus, lucta pusilla. |
[45] | Aeger poeniteat et crimina confiteatur. |
| Non imponatur huic poena sed insinuetur. |
| Hanc tamen explebit, si firma salus reparetur. |
| Si migret absolvat contritum presbyter aegrum, |
| Huncque preces relevent jejunia dona suorum: |
[50] | Ut sit poena rubor, tibi vilis ut efficiaris, |
| Doctior ut fias, injungitur ut fatearis, |
| Judicio teget extremo confessio culpas, |
| Ne videat Deus aut daemon vel qui facit illas, |
| Confessor mitis, affabilis atque benignus |
[55] | Sit sapiens, justus, sit dulcis compatiensque, |
| Ut crimen proprium celat peccata reorum, |
| Sit piger ad poenas, sit velox ad miserandum, |
| Et doleat quoties facit illum culpa ferocem, |
| Infundat mulcens oleum vinumque flagellans. |
[60] | Hunc virgam patris non exserat ubera matris, |
| Sibilet et cantet, stimulet cum cogit oportet. |
| In primis quaerat contritus quomodo credat, |
| Si credat corde sane fateatur et ore |
| Post haec rimetur peccantis vulnera caute |
[65] | Contra naturam culpam non exprimat ullam, |
| Ne super enormi si simplex conveniatur, |
| De quo nil scivit ad agendum sic moveatur, |
| Uxor adulterii rea, confessore perito, |
| Sic luat admissum ne sit suspecta marito, |
[70] | Saepe sibi moneat confessor ne recidivet, |
| Sive relabantur confestim confiteantur |
| Vitenti causas ad lapsus allicientes |
| Solliciti poenam complere satisfacientem, |
| Observent caute sensus cum pectore renes, |
[75] | Utque fori judex pro persona prohibetur |
| Flectere judicium, medicus variare medelas. |
| Sic animae judex odio caveat vel amore, |
| Confessos poenis onerare vel alleviare, |
| Ecclesiae morem vel Patrum scripta sequatur, |
[80] | Sitque modus poenae juxta moderamina culpae, |
| Et tanto levior, quanto est contritio major. |
| Ut medici curant vario medicamine corpus, |
| Ut sanant febrem, vulnus quoque sive tumorem, |
| Sic animae varias aegre poscunt medicinas. |
[85] | Opponas igitur animae contraria morbis. |
| Propria det cupidus, se castret luxuriosus; |
| Invide, livorem depone; superbe, tumorem; |
| Sobrietasque gulam, patientia comprimat iram; |
| Amoveat laesus rancorem, taedia moestus; |
[90] | Potus aquae redimat excessus ebrietatis; |
| Carnis delicias castigat virga flagellans. |
| Ut bene poeniteat ablatum praedo reponat. |
| Vestio, poto, cibo, tectum do, visito, solvo, |
| Commodo, compatior, converto, dono, remitto. |
[95] | Flecto genu, vigilo, jejuno, laboro, flagellor, |
| Vestio dura, pedes nudor, tero cor, peregrinor, |
| Poenites, lego, ploro, precor, caro sic maceratur, |
| Haec quae confessis sunt injungenda notabis. |
| Publica sit poena, fuerit si publica noxa. |
[100] | Si lateat licet enormis, lateat quoque poena. |
| Hoc est: qui peccat occulte poeniteat clam, |
| Singula confessor prudentius ut moderetur, |
| Effectus causae, vitium, persona notetur. |
| Ad Dominum sunt hae festinandi tibi causae: |
[105] | Ignis purificans, mors, aegritudo ruborque, |
| Et curae gravitas, et consuetudo ruina. |